E-TDS RETURN using RPU 3.9

DOWNLOAD - RPU 3.9 Software  RPU 3.9 User Manual  JAVA  TAN Regi: User Manual

 

ഓരോ DDO യും ജീവനക്കാരുടെ നിന്നും അടയ്ക്കേണ്ടതായ ഒരു വര്‍ഷത്തെ നികുതി കണക്കാക്കി അവശേഷിക്കുന്ന മാസങ്ങള്‍ കൊണ്ട് ഹരിച്ചു നികുതി വിഹിതം ഓരോ മാസത്തേയും ശമ്പളത്തില്‍ നിന്നും കുറയ്ക്കാന്‍ ബാധ്യസ്ഥനാണെന്ന് അറിയാമല്ലോ. ഇങ്ങനെ കുറയ്കുന്ന നികുതിയുടെ കണക്ക് 3 മാസം കൂടുമ്പോള്‍ അപ്‌ലോഡ് ചെയ്യണമെന്നും നമുക്കറിയാം. E-TDS Return തയ്യാറാക്കുന്നതിന് പല സോഫ്റ്റ്‌വെയറുകളും ഇന്ന് മാര്‍ക്കറ്റില്‍ ലഭ്യമാണ്. എന്നാല്‍ Income Tax Department സോഫ്റ്റ്‌വെയറായ RPU 3.9 വളരെ ലളിതവും ഏറെ User Friendly യും ആണെന്ന് എത്രപേര്‍ക്കറിയാം. ഒരല്പം ശ്രദ്ധ വെച്ചാല്‍ ഏതൊരാള്‍ക്കും സ്വന്തമായി E-TDS Return തയ്യാറാക്കാവുന്നതേയുള്ളൂ. 

കോതമംഗലം സബ്‌ജില്ലയിലെ മൈലൂര്‍ എ എല്‍ പി സ്കൂളിലെ ശ്രീ അലിയാര്‍ സാറാണ്  Income Tax Department സോഫ്റ്റ്‌വെയറായ RPU വിന്റെ ഏറ്റവും പുതിയ വെര്‍ഷനായ RPU 3.9 പരിചയപ്പെടുത്തുന്നത്.

 

ഓരോ വര്‍ഷത്തേയും ഏപ്രില്‍, മെയ്, ജൂണ്‍ മാസങ്ങളില്‍ (അതായത് ഒന്നാം ക്വാര്‍ട്ടറില്‍ ) കുറച്ച കണക്ക് ജൂലൈ 31 ന് മുമ്പായി കൊടുക്കണം. ഇങ്ങനെ രണ്ടാം ക്വാര്‍ട്ടറിലെ (ജൂലൈ, ആഗസ്റ്റ്, സെപ്തംബര്‍) കണക്ക് ഒക്ടോബര്‍ 31 ന് മുമ്പായും മുന്നാം ക്വാര്‍ട്ടറിലെ (ഒക്ടോബര്‍, നവംബര്‍, ഡിസംബര്‍) കണക്ക് ജനുവരി 31 ന് മുമ്പായും , നാലാം ക്വാര്‍ട്ടറിലെ (ജനുവരി, ഫെബ്രുവരി, മാര്‍ച്ച്) കണക്ക് മെയ് 15 ന് മുമ്പായും സമര്‍പ്പിക്കണം. ഇതാണ് ത്രൈമാസ ഇ – ടി ഡി എസ് റിട്ടേണ്‍ സമര്‍പ്പിക്കല്‍

CBDT (National Securities Depositary Limited -NSDL ) നെ ആണ് E TDS Return സ്വീകരിക്കാന്‍ ചുമതലപ്പെടുത്തിയിരിക്കുന്നത്. CBDT (National Securities Depositary Limited -NSDL ) വിവിധ സ്ഥലങ്ങളില്‍ Return സ്വീകരിക്കാന്‍ TIN Felicitation Centers നെ ചുമതലപ്പെടുത്തിയിട്ടുണ്ട്. നാം തയ്യാറാക്കുന്ന E TDS Return അപ്‌ലോ‍ഡ് ചെയ്യുന്നതിനായി ഇവിടെയാണ് സമര്‍പ്പിക്കേണ്ടത്. എല്ലാ ഗവണ്‍മെന്റ് സ്ഥാപനങ്ങളും E TDS Return സോഫ്റ്റ്‌വെയറില്‍ തയ്യാറാക്കി ഫയല്‍ അപ്‌ലോഡ് ചെയ്യേണ്ടതുണ്ട്. ഇത് നമ്മുടെ സ്ഥാപനത്തില്‍ വെച്ചു തന്നെ തയ്യാറാക്കി ഫയല്‍ അപ്‌ലോഡ് ചെയ്യാന്‍ TIN Felicitation Centers നെ ഏല്‍പ്പിക്കുമ്പോള്‍ ഒരാള്‍ക്ക് 35 രുപ വരെ മാത്രമേ ചെലവു വരുന്നുള്ളൂ. എന്നാല്‍ എല്ലാ ജോലികളും TIN Felicitation Centers നെ ഏല്‍പ്പിക്കുമ്പോള്‍ വളരെ ഭീമമായ തുകയാണ് അവര്‍ സര്‍വ്വീസ് ചാര്‍ജിനത്തില്‍ ഈടാക്കുന്നത്.

Income Tax Department സോഫ്റ്റ്‌വെയറായ RPU 3.9 ഉപയോഗിച്ചു കൊണ്ട് വളരെ എളുപ്പത്തില്‍ E TDS Return ഫലയല്‍ ജനറേറ്റ് ചെയ്യാവുന്നതേയുള്ളൂ.

ആദ്യമായി Income Tax Department വെബ്സൈറ്റില്‍ നിന്നും RPU 3.9 എന്ന സോഫ്റ്റ്‌വെയര്‍ ഡൗണ്‍ലോഡ് ചെയ്തെടുക്കണം. 

-CLICK HERE TO DOWNLOAD RPU3.9- 

ഏകദേശം 4 MB വലിപ്പമുള്ള ഈ ഫയല്‍ ഒരു മിനിട്ടു കൊണ്ട് ഡൗണ്‍ലോഡ് ചെയ്തെടുക്കാം. ഇത് Microsoft Windows based Software ആയതു കൊണ്ട് വിന്‍ഡോസ് ഓപ്പറേറ്റിങ് സിസ്റ്റത്തിലാണ് പ്രവര്‍ത്തിക്കുക.

RPU വിന്റെ വെര്‍ഷനായ RPU 3.9 ആണ് ഇവിടെ പരിചയപ്പെടുത്തുന്നത്. RPU 3.9 ല്‍ തയ്യാറാക്കപ്പെടുന്ന 27A Form ആണ് സമര്‍പ്പിക്കേണ്ടത്. ടാക്സ് സമര്‍പ്പിച്ചിട്ടില്ലാത്ത ക്വാര്‍ട്ടറുകളിലെ Nil Statement ഈ വെര്‍ഷന്‍ ഉപയോഗിച്ച് (RPU 3.9) തയ്യാറാക്കാന്‍ കഴിയില്ല. ഇനി മുതല്‍ Nil Statement നല്‍കേണ്ടതില്ല എന്ന് അനുമാനിക്കാം.

ഡൗണ്‍ലോഡ് ചെയ്തെടുത്ത RPU 3.9 Zipped ഫയല്‍ My Computer ലെ C Drive ല്‍ Paste ചെയ്യുക. അതിനു ശേഷം ഈ Zipped ഫയല്‍ അണ്‍ സിപ്പ് ചെയ്യുക. അണ്‍ സിപ്പ് ചെയ്യുമ്പോള്‍ e_TDS RPU എന്ന ഫോള്‍ഡര്‍ ആയിരിക്കും. ഈ ഫോള്‍ഡര്‍ C Drive ല്‍ തന്നെ സൂക്ഷിക്കുക. RPU 3.9 പ്രവര്‍ത്തിക്കണമെങ്കില്‍ നിങ്ങളുടെ കമ്പ്യൂട്ടറില്‍ JAVA സോഫ്റ്റ്‌വെയര്‍ ഇന്‍സ്റ്റാള്‍ ചെയ്തിരിക്കണം. അതിനാല്‍ അടുത്ത സ്റ്റെപ്പ് JAVA ഇന്‍സ്റ്റാള്‍ ചെയ്യുകയാണ്. 

- CLICK HERE TO DOWNLOAD JAVA -

ഡൗണ്‍ലോഡ് ചെയ്തെടുക്കുന്ന ഫയലില്‍ ഡബിള്‍ ക്ലിക്ക് ചെയ്താല്‍ JAVA നിങ്ങളുടെ കമ്പ്യൂട്ടറില്‍ ഇന്‍സ്റ്റാള്‍ ആയിക്കൊള്ളും.

ഇനി നമുക്ക് RPU 3.9 ഉപയോഗിച്ച് E TDS Return തയ്യാറാക്കുന്ന വിവിധ സ്റ്റെപ്പുകളിലൂടെ കടന്നു പോകാം. എളുപ്പത്തില്‍ മനസ്സിലാക്കുന്നതിനായി എട്ടു ഘട്ടങ്ങളായി തിരിക്കാം.

1. RPU3.9 ഓപ്പണ്‍ ചെയ്യല്‍
2. Form പൂരിപ്പിക്കല്‍
3. Challan ഷീറ്റ് പൂരിപ്പിക്കല്‍
4. Annexure 1 ഷീറ്റ് പൂരിപ്പിക്കല്‍
5. നാലാം ക്വാര്‍ട്ടര്‍ ആണെങ്കില്‍ Annexure ll പൂരിപ്പിക്കല്‍
6. Save ചെയ്യല്‍
7. Validate ചെയ്യല്‍
8. ഫയലുകള്‍ കോപ്പി ചെയ്യല്‍

RPU 3.9 ഓപ്പണ്‍ ചെയ്യല്‍

1. My Computer ലെ C Drive (Local Disk C:) തുറന്ന് RPU3.9 എന്ന ഫോള്‍ഡര്‍ ഡബിള്‍ ക്ലിക്ക് ചെയ്ത് ഓപ്പണ്‍ ചെയ്യുക.
2. അതില്‍ കാണുന്ന RPU SETUP എന്ന ഫയല്‍ ഡബിള്‍ ക്ലിക്ക് ചെയ്യുക
3. തുടര്‍ന്ന് വരുന്ന മൂന്ന് ഡയലോഗ് ബോക്സുകളിലും OK ക്ലിക്ക് ചെയ്യുക.
4. ഇപ്പോള്‍ RPU 3.9 ന്റെ ആദ്യ പേജ് തുറന്നു വരും. ഇത് ഒരു തവണ മാത്രം ചെയ്താല്‍ മതി. പിന്നിട് Rpu Application File (ഒരു ബെല്‍ സിമ്പല്‍ ഉള്ളത്) Open ചെയ്താല്‍ മതി.  
   
   തുറക്കുന്നില്ലെങ്കില്‍ Rpu Application File റൈറ്റ് ക്ലിക്ക് ചെയ്യുക. അപ്പോള്‍ വരുന്ന ഡ്രോപ്പ് ഡൗണ്‍ ലിസ്റ്റില്‍ നിന്നും "Run as administrator”ക്ലിക്ക് ചെയ്യുക. അപ്പോള്‍ RPU 3.9 ന്റെ ആദ്യ പേജ് തുറന്നു വരും.) അതില്‍ Form No നു നേരെ കാണുന്ന ടെക്സ്റ്റ് ബോക്സിന്റെ വലതു വശത്തു ക്ലിക്ക് ചെയ്താല്‍ വരുന്ന Drop Down Menu വില്‍ നിന്നും 24Q വില്‍ ക്ലിക്ക് ചെയ്യുക.
5. തുടര്‍ന്ന് താഴെ കാണുന്ന Click to Continue വില്‍ ക്ലിക്ക് ചെയ്യുക. അപ്പോള്‍ നമുക്ക് ആവശ്യമായ 24Q Form തുറന്നു വരും. അതില്‍ Form, Challan, Annexure 1എന്നീ മൂന്നു പേജുകള്‍ കാണാം. അതില്‍ ഇപ്പോള്‍ തുറന്നു കാണുന്നത് Form എന്ന പേജാണ്.

Form പൂരിപ്പിക്കല്‍

Form എന്ന പേജിലാണ് സ്ഥാപനത്തെക്കുറിച്ചും ശമ്പളത്തില്‍ നിന്നും ടാക്സ് കുറയ്ക്കാന്‍ ബാധ്യതപ്പെട്ട സ്ഥാപന മേധാവിയെക്കുറിച്ചുമുള്ള വിവരങ്ങള്‍ രേഖപ്പെടുത്തുന്നത്. ഇതില്‍ * ചിഹ്നം കാണുന്ന കോളങ്ങള്‍ നിര്‍ബന്ധമായും പൂരിപ്പിച്ചിരിക്കണം. ഇനി ഓരോ ടെക്സ്റ്റ് ബോക്സിലും എന്തെല്ലാമാണ് പൂരിപ്പിക്കേണ്ടത് എന്നു നോക്കാം.
Year - ഒന്നാമത്തെ വരിയില്‍ ആക്ടീവായി കാണുന്ന വര്‍ഷം ചേര്‍ക്കാനുള്ള കള്ളിയിലാണ് ആദ്യമായി എന്റര്‍ ചെയ്യുന്നത്. തയ്യാറാക്കുന്ന Statement ഏത് ക്വാര്‍ട്ടറിലേതാണോ ആ വര്‍ഷം ഇവിടെ ചേര്‍ക്കുക. 2013 ഒക്ടോബര്‍, നവംബര്‍, ഡിസംബര്‍ മാസങ്ങളിലേത് 2013 എന്നും 2014 ജനുവരി,ഫിബ്രവരി, മാര്‍ച്ച് മാസങ്ങളിലേത് 2014 എന്നും നല്‍കണം.

അതിനു ശേഷം Particulars of Salary Drawn എന്നതിന് താഴെ ആദ്യ വരിയില്‍ രണ്ടാമതായി കാണുന്ന Financial Year ചേര്‍ക്കുക. ഇവിടെ ഏത് സാമ്പത്തിക വര്‍ഷത്തെ വിവരങ്ങളാണോ കൊടുക്കുന്നത് ആ സാമ്പത്തിക വര്‍ഷം ഡ്രോപ്പ് ഡൗണ്‍ ലിസ്റ്റില്‍ നിന്നും സെലക്ട് ചെയ്ത് ചേര്‍ക്കുക. അപ്പോള്‍ Please select Quarter എന്ന Message box തുറക്കും. അതില്‍ OKക്ലിക്ക് ചെയ്യുക. 

ഇനിയാണ് ഒന്നാമത്തെ വരിയില്‍ ആദ്യം കാണുന്ന Quarter സെലക്ട് ചെയ്യേണ്ടത്. Quarterly Statement for quarter ended എന്നതിനു നേരെ Q1 എന്ന് രേഖപ്പെടുത്തിയതായി കാണാം. Q2, Q3, Q4 എന്നീ ക്വാര്‍ട്ടറുകളിലെ Statement ആണ് തയ്യാറാക്കേണ്ടത് എങ്കില്‍ വലതു വശത്ത് ക്ലിക്ക് ചെയ്താല്‍ വരുന്ന Drop Down മെനുവില്‍ നിന്നും വേണ്ട ക്വാര്‍ട്ടര്‍ സെലക്ട് ചെയ്യണം. Q4 ആണ് സെലക്ട് ചെയ്യുന്നതെങ്കില്‍ Annexure 1 കൂടാതെ Annexure 11 എന്ന പേജു കൂടി വരുന്നതു കാണാം.

Particulars of Salary Drawn:

Tax Deduction and Collection Account No – ഇതില്‍ സ്ഥാപനത്തിന്റെ TAN നമ്പര്‍ ചേര്‍ക്കുക. ഇതില്‍ 4 ഇംഗ്ലീഷ് അക്ഷരങ്ങളും 5 മുതല്‍ 9 വരെ സ്ഥാനങ്ങളില്‍ അക്കങ്ങളും പത്താം സ്ഥാനത്ത് ഇംഗ്ലീഷ് അക്ഷരവുമായിരിക്കും. നാലാമത്തെ ഇംഗ്ലീഷ് അക്ഷരത്തിലായിരിക്കും സ്ഥാപനത്തിന്റെ പേര് തുടങ്ങുന്നത്.

Permanent Account Number – ഗവ: സ്ഥാപനങ്ങള്‍ക്ക് (എയിഡഡ് ) ഉള്‍പ്പെടെ PAN ചേര്‍ക്കേണ്ട ആവശ്യമില്ലാത്തതിനാല്‍ ഈ കോളത്തില്‍ PANNOTREQD എന്ന് ചേര്‍ത്താല്‍ മതി.

Financial Year – ഇവിടെ ഏത് സാമ്പത്തിക വര്‍ഷത്തെ വിവരങ്ങളാണോ കൊടുക്കുന്നത് ആ സാമ്പത്തിക വര്‍ഷം ഡ്രോപ്പ് ഡൗണ്‍ ലിസ്റ്റില്‍ നിന്നും സെലക്ട് ചെയ്ത് ചെയ്ത് ചേര്‍ക്കുക.

Type of Deductor – സംസ്ഥാന ഗവണ്‍മെന്റില്‍ നിന്നുംശമ്പളം പറ്റുന്ന സ്ഥാപനങ്ങള്‍ക്ക് State Government എന്ന് സെലക്ട് ചെയ്യാം.

Particulars of Deductor (Employer) :

Name – ഇവിടെ സ്ഥാപനത്തിന്റെ പേരാണ് ചേര്‍ക്കേണ്ടത്. അത് TAN നമ്പറിന്റെ നാലാമത്തെ അക്ഷരത്തില്‍ തുടങ്ങുന്നതായിരിക്കും.

Branch / Division if any : ഉണ്ടെങ്കില്‍ മാത്രം ചേര്‍ക്കുക.

State Name : Drop Down List ല്‍ നിന്നും സെലക്ട് ചെയ്ത് ചേര്‍ക്കുക.

Flat No : ഇത് നിര്‍ബന്ധമായും ചേര്‍ത്തിരിക്കണം. ബില്‍ഡിങ് നമ്പര്‍ ചേര്‍ത്താല്‍ മതിയാകും.

Area/Location : സ്ഥാപനം സ്ഥിതി ചെയ്യുന്ന സ്ഥലത്തിന്റെ പേര് / പഞ്ചായത്തിന്റെ പേര് ചേര്‍ക്കാം.

Road/Street/Lane : സ്ഥലപ്പേരോ തെരുവിന്റെ പേരോ ചേര്‍ക്കാം.

Pin Code :നിര്‍ബന്ധമായും ചേര്‍ത്തിരിക്കണം

Telephone Number : ഈ പേജില്‍ മൂന്നിടത്ത് ഫോണ്‍ നമ്പര്‍ ചോദിക്കുന്നുണ്ട്. അവയില്‍ ഒന്ന് നിര്‍ബന്ധമായും ചേര്‍ത്തിരിക്കണം.

DDO Code : നിര്‍ബന്ധമില്ല.

Name of Premises / Building – കെട്ടിടത്തിന്റെ പേരോ സ്ഥാപനത്തിന്റെ പേരോ ചേര്‍ക്കാം.

Town/ City/ District : ജില്ലയുടെ പേര് ചേര്‍ക്കാം.

State : Drop Down List ല്‍ നിന്നും സെലക്ട് ചെയ്ത് ചേര്‍ക്കുക.

E Mail : സ്ഥാപനത്തിന് ഇ മെയില്‍ ഉണ്ടെങ്കില്‍ ചേര്‍ക്കുക. ഇല്ലെങ്കില്‍ സ്ഥാപന മേധാവിയുടെ ഇ മെയില്‍ ; സ്ഥാപന മേധാവിയെക്കുറിച്ചുള്ള വിവരങ്ങള്‍ കൊടുക്കുന്നിടത്ത് നിര്‍ബന്ധമായും ചേര്‍ത്തിരിക്കണം.

Has Address changed since last Return – കഴിഞ്ഞ ക്വാര്‍ട്ടറിലെ റിട്ടേണ്‍ ഫയല്‍ ചെയ്തതിനു ശേഷം അഡ്രസ്സ് മാറിയെങ്കില്‍ Yes എന്നും ഇല്ലെങ്കില്‍ No എന്നും സെലക്ട് ചെയ്ത് ക്ലിക്ക് ചെയ്യുക.

Particulars of Person Responsible for Deduction of Tax:

ഇവിടെ ജീവനക്കാരുടെ ശമ്പളത്തില്‍ നിന്നും ടാക്സ് കുറയ്ക്കാന്‍ ബാധ്യതപ്പെട്ട സ്ഥാപന മേധാവിയുടെ (DDO) വിവരങ്ങളാണ് ചേര്‍ക്കേണ്ടത്.

Name : DDOയുടെ പേര്

Designation : ഉദ്യോഗപ്പേര് ചേര്‍ക്കുക.

തുടര്‍ന്ന് വരുന്ന Flat No മുതല്‍ Pin Code വരെയുള്ള വിവരങ്ങള്‍ സ്ഥാപനത്തിന് നല്‍കിയത് തന്നെ നല്‍കുക. Same as Above എന്നതിനോട് ചേര്‍ന്നു വരുന്ന ബോക്സില്‍ ടിക്ക് മാര്‍ക്ക് ചെയ്താല്‍ മതി. 

അതായത് DDO യുടെ വീട്ട് അഡ്രസ്സ് അല്ല സ്ഥാപനത്തിന്റെ അഡ്രസ്സ് ആണ് ചേര്‍ക്കേണ്ടത്.

Email- DDO യുടെ ഇ മെയില്‍ ചേര്‍ക്കുക. (സ്ഥാപനത്തിന്റേയോ DDO യുടേയോ ഇ മെയിലില്‍ ഒന്ന് നിര്‍ബന്ധമാണ്.

Has Address Changed since last return – കഴിഞ്ഞ റിട്ടേണിനു ശേഷം DDO ചേഞ്ച് ചെയ്തിട്ടുണ്ടെങ്കില്‍ Yes എന്നും ഇല്ലെങ്കില്‍ No എന്നും ചേര്‍ക്കുക.

ഇത്രയും വിവരങ്ങള്‍ ചേര്‍ത്തു കഴിഞ്ഞാല്‍ മുകളിലെ Challan ക്ലിക്ക് ചെയ്ത് ചെല്ലാന്‍ പേജ് തുറക്കാം.

Challan പേജ് പൂരിപ്പിക്കല്‍

ചലാനില്‍ എത്ര വരികള്‍ അവശ്യമാണോ അത്രയും വരികള്‍ ചേര്‍ക്കേണ്ടതുണ്ട്. മൂന്നു മാസം ഉള്‍ക്കൊള്ളുന്ന ക്വാര്‍ട്ടറില്‍ എത്ര ബില്ലുകളിലാണോ ടാക്സ് കുറച്ചത് അത്രയും എണ്ണം വരികള്‍ ആവശ്യമായി വരും. [No of Rows =No of Bills with TDS on Salary payments made in the quarter (for govt Employees] . ഉദാഹരണമായി 2013 ജനുവരി മുതല്‍ മാര്‍ച്ച് വരെയുള്ള ത്രൈ മാസത്തില് 2 ബില്ലുകള്‍ കാഷ് ചെയ്തു. അതില്‍ 2 ബില്ലിലും ടാക്സ് കുറച്ചിട്ടുണ്ടെങ്കില്‍ 2 വരിയും ഒരു ബില്ലില്‍ മാത്രമേ ടാക്സ് കുറച്ചിട്ടുള്ളൂ എങ്കില്‍ ഒരു വരിയും Insert ചെയ്യുക. (ബില്ലില്‍ ടാക്സ് കുറയ്ക്കാത ചെല്ലാന്‍ വഴി ബാങ്കില്‍ ടാക്സ് അടച്ചവര്‍ ഓരോ ചെലാനിനും ഓരോ വരി insert ചെയ്യുക. ഇനി ചലാനിലെ വരികള്‍ Insert ചെയ്യുന്നതിനായി Insert Row ക്ലിക്ക് ചെയ്യുക. അപ്പോള്‍ വരുന്ന ബോക്സില്‍ വരികളുടെ എണ്ണം കൊടുത്ത് OK ക്ലിക്ക് ചെയ്യുക. അപ്പോള്‍ ആവശ്യമുള്ളത്രയും വരികള്‍ വന്നതായി കാണാം. ഇനി ഓരോ കോളത്തിലും എന്തൊക്കെയാണ് ചേര്‍ക്കേണ്ടത് എന്നു നോക്കാം.

1. SL No – 1,2 എന്നിങ്ങനെ സീരിയല്‍ നമ്പര്‍ ചേര്‍ക്കുക.

3. Select Section code as 92 A

4. TDS – ഇവിടെ ആ ബില്ലില്‍ നിന്നും ആകെ കുറച്ച ടാക്സിനെ ; ടാക്സും സെസ്സുമായി വിഭജിച്ച് ടാക്സ് മാത്രം ചേര്‍ക്കുക. അതായത് ആ ബില്ലില്‍ രണ്ടു പേരുടെ ശമ്പളത്തില്‍ നിന്നും 5000 വീതം ആകെ 10000 രൂപ കുറച്ചെങ്കില്‍ 10000 x 100/103 = 9708.73 അതായത് 9709 ചേര്‍ക്കുക. 9709 ന്റെ 3% = 291 Education Cess ന്റെ കോളത്തിലും ചേര്‍ക്കുക. TDS + Cess (9709 + 291 = 10000) Total Tax Deposited (കോളം 10) കോളത്തില്‍ വന്നതു കാണാം. (Nil Statement എങ്കില്‍ 0 ചേര്‍ക്കുക).

5. Surcharge - 0 ചേര്‍ക്കുക

6. Educatio Cess – TDS ന്റെ 3% Cess ചേര്‍ക്കുക.(Nil Statement എങ്കില്‍ 0 ചേര്‍ക്കുക).

7. Interest – 0 ചേര്‍ക്കുക

8. Others – 0 ചേര്‍ക്കുക

11. Cheque/DD No if any – ഒന്നും ചേര്‍ക്കേണ്ടതില്ല.

14. BSR Code/ 24G Receipt No – BSR Code അല്ലെങ്കില്‍ 24G Receipt No ചേര്‍ക്കുക.(7 അക്കം) [* TDS QUARTERLY RETURN മായി ബന്ധപ്പെട്ട് BIN( 24-G RECEIPT No) ട്രഷറിയില്‍ നിന്നും ലഭിക്കേണ്ടതായുണ്ട്. ഇത് നമുക്ക് തന്നെ Online ആയി നേടാന്‍ കഴിയും. https://www.tin-nsdl.com/bin-view.php  https://onlineservices.tin.egov-nsdl.com/TIN/JSP/etbaf/ViewBIN.jspഎന്ന സൈറ്റ് ഓപ്പണ്‍ ചെയ്തു നോക്കുക.

16. Date on which Tax deposited – ഏതു മാസത്തിലാണോ ബില്‍ കാഷ് ചെയ്തത് ആ മാസത്തെ അവസാനത്തെ ദിവസം ചേര്‍ക്കുക. 21.1.2012 നു കാഷ് ചെയ്ത ബില്ലാണെങ്കില്‍ 31.1.2012 എന്ന് ചേര്‍ക്കുക. (RPU വില്‍ തിയതി ചേര്‍ക്കേണ്ടിടത്തെല്ലാം. ഡബിള്‍ക്ലിക്ക് ചെയ്താല്‍ കലണ്ടര്‍ ലഭിക്കും. അതില്‍ തിയതി സെലക്ട് ചെയ്ത് OK ക്ലിക്ക് ചെയ്യാം) Nil Statement ആണ് തയ്യാറാക്കുന്നതെങ്കില്‍ ആ ത്രൈമാസത്തിന്റെ അവസാനത്തെ ദിവസം ചേര്‍ക്കുക. (ഉദാ : 31.3.2013)

18. DDO /Transfer Voucher / Challan Serial No- DDO സീക്വന്‍സ് നമ്പര്‍ ചേര്‍ക്കുക.

19. Whether TDS Deposited by book Entry – Yes സെലക്ട് ചെയ്ത് Enter ചെയ്യുക. (Nil Statement എങ്കില്‍ ഒന്നും ചേര്‍ക്കരുത്.

20. Interest – 0 ചേര്‍ക്കുക

21. Others - 0 ചേര്‍ക്കുക

22. Minor Head of Challan : ഒന്നും ചേര്‍ക്കേണ്ടതില്ല.

എല്ലാ വരികളിലും ഓരോ ബില്ലിലേയും വിവരങ്ങള്‍ ചേര്‍ത്തു കഴിഞ്ഞാല്‍ അടുത്ത പേജായ Annexure 1 തുറക്കുക.

Annexure 1 പൂരിപ്പിക്കല്‍

Annexure 1 ല്‍ ആദ്യമായി വരികള്‍ Insert ചെയ്യേണ്ടതുണ്ട്. എത്ര വരികളാണ് വെണ്ടതെന്നും ആദ്യം തന്നെ കണക്കാക്കണം.

No of Rows to be Inserted = Total Number of employees from whose salary tax was deducted during the quarter , in all the bills put together. Even if employee name repeats in different bills it should be counted separately for each bill. ഉദാഹരണമായി 2013- 14 ലെ നാലാം ത്രൈ മാസത്തില്‍ 2 ബില്ലുകള്‍ കാഷ് ചെയ്തു. അതില്‍ ഫെബ്രുവരിയില്‍ കാഷ് ചെയ്ത ജനുവരി മാസത്തെ ബില്ലില്‍ 2 പേരുടേയും ശമ്പളത്തില്‍ നിന്നും മാര്‍ച്ചില്‍ കാഷ് ചെയ്ത ഫെബ്രുവരി മാസത്തെ ബില്ലില്‍ നിന്നും 3 പേരുടേയും ശമ്പളത്തില്‍ നിന്നം ടാക്സ് കുറച്ചുവെങ്കില്‍ 5 വരികള്‍ Insert ചെയ്യണം. ഇതിനായി Insert Row യില്‍ ക്ലിക്ക് ചെയ്താല്‍ വരുന്ന ബോക്സില്‍ എണ്ണം ചേര്‍ത്ത് OK ക്ലിക്ക് ചെയ്യുക. അപ്പോള്‍ അത്രയും വരികള്‍ തുറന്നു കിട്ടും. ഇനി ഓരോ കോളത്തിലും ചേര്‍ക്കേണ്ടതെന്തെന്നു നോക്കാം.

1.Challan Serial No – ഇതില്‍ നമ്പറുകള്‍ ഇടേണ്ടത് Drop Down List ല്‍ നിന്നും സെലക്ട് ചെയ്താണ്. മേല്‍ കാണിച്ച ഉദാഹരണത്തില്‍ 2 ബില്ലുകളിലാണ് ടാക്സ് കുറച്ചത്. ഒന്നാമത്തെ ബില്ലില്‍ രണ്ടു പേരുടെ ടാക്സ് കുറച്ചതിനാല്‍ 2 വരിയില്‍ 1 എന്ന് ചേര്‍ക്കുക. രണ്ടാമത്തെ ബില്ലില്‍ 3 പേരുടെ ടാക്സ് കുറച്ചതിനാല്‍ തുടര്‍ന്നുള്ള 3 വരികളില്‍ 2 എന്ന് ചേര്‍ക്കുക.(കോളം 7 ല്‍ വിവരങ്ങള്‍ വന്നത് കാണാം).

6. Section under which payment made – 92A സെലക്ട് ചെയ്യുക.

11. Sr No – ഒന്നാം ബില്ലിലെ ഒന്നാമത്തെയാള്‍ക്ക് 1 എന്നും രണ്ടാമത്തെയാള്‍ക്ക് 2 എന്നും നമ്പര്‍ കൊടുക്കുക. രണ്ടാമത്തെ ബില്ലിലെ ഒന്നാമന് 1 എന്നും രണ്ടാമന് 2 എന്നും മൂന്നാമന് 3 എന്നും നമ്പര്‍ കൊടുക്കുക.

12. Employe Reference No Provided by Employer – ഇതില്‍ ഓരോ ജീവനക്കാരനും അവരുടെ പെന്‍ നമ്പരോ ഓഫീസിലെ ക്രമ നമ്പറോ ചേര്‍ക്കാം.

14. PAN of the Employee – ഇവിടെ PAN നമ്പര്‍ ചേര്‍ക്കാം.

15. Name of the Employee – ടാക്സ് അടച്ച ആളുടെ പേര് ചേര്‍ക്കുക. പേര് പാന്‍ നമ്പറിന്റെ അഞ്ചാമത്തെ അക്ഷരത്തില്‍ തുടങ്ങുന്നതാവണം.

16. Date of Payment / Credit – ഇവിടെ ബില്‍ കാഷ് ചെയ്ത മാസത്തിന്റെ അവസാന ദിവസം ചേര്‍ക്കണം.

17. Taxable amount on which tax deducted – ഇതില്‍ ആ ജീവനക്കാരന്റെ ആ മാസത്തെ Gross Salary ചേര്‍ക്കാം.

18. TDS – ജീവനക്കാരന്റെ ശമ്പളത്തില്‍ നിന്നും ആ മാസത്തില്‍ കുറച്ച ടാക്സ് ചേര്‍ക്കണം.

19. Surcharge = 0 ചേര്‍ക്കാം.

20. Education Cess – 0 ചേര്‍ക്കണം.

23. Total Tax Depostited – TDS സംഖ്യ ചേക്കുക.

25. Date of Deduction – ആ മാസത്തിന്റെ അവസാന ദിവസം ചേര്‍ക്കുക.

26. Remarks

27. Certificate Number – ഇതില്‍ ഒന്നും ചേര്‍ക്കേണ്ട

Annexure 1 ലെ എല്ലാ വരികളും പൂരിപ്പിക്കുന്നതോടെ Q1, Q2, Q3 എന്നീ Tds റിട്ടേണുകള്‍ക്കാവശ്യമായ വിവരങ്ങള്‍ ചേര്‍ത്തു കഴിഞ്ഞു. ഇനി Saving , Validation എന്നീ ഘട്ടങ്ങളിലേക്കു കടക്കാം. എന്നാല്‍ Q4 ആണ് ചെയ്യുന്നതെങ്കില്‍ Annexure ll കൂടി പൂരിപ്പിക്കേണ്ടതുണ്ട്. അതിനായി മുകളില്‍ Annexure ll ക്ലിക്ക ചെയ്യുക.

Annexure ll പൂരിപ്പിക്കല്‍

ഇതിലും ആവശ്യമായ വരികള്‍ Insert ചെയ്യേണ്ടതുണ്ട്.

Number of Rows to be Inserted – Number unque employee from whose salary tax was deducted at source at least once during the financial year in any quarter. (Only one row for one employee)

ഇതിനായി Insert row യില്‍ ക്ലിക്ക് ചെയ്ത് എണ്ണം അടിച്ച് OK ക്ലിക്ക് ചെയ്യുക. ഇനി ഓരോ കോളത്തിലും ചേര്‍ക്കേണ്ടത് എന്തെന്നു നോക്കാം. ഓരോ ജീവനക്കാരന്റേയും ആ സാമ്പത്തിക വര്‍ഷത്തെ ആകെ വരുമാനത്തിന്റെ കണക്കാണ് ഈ പേജില്‍ ചേര്‍ക്കേണ്ടത്. ഓരോ ആളുടേയും Form 16 അല്ലെങ്കില്‍ Statement നോക്കി വിവരങ്ങള്‍ ചേര്‍ക്കാം.

3. PAN of the Employee – PAN ചേര്‍ക്കണം.

4. Name of the Employee – ജീവനക്കാരന്റെ പേര് ചേര്‍ക്കണം. പേരടിക്കാന്‍ സ്ഥലം കാണുന്നില്ലെങ്കില്‍ വരയില്‍ മൗസ് പോയിന്റര്‍ വെച്ച് drag ചെയ്താല്‍ മതി.

5. Deductee Type – ക്ലിക്ക് ചെയ്തു കിട്ടുന്ന ലിസ്റ്റില്‍ നിന്നും Women, Senior Citizen, Others ഏതെങ്കിലും ഒന്ന് സെലക്ട് ചെയ്യുക. പുരുഷന്‍മാര്‍ക്ക് Others ക്ലിക്ക് ചെയ്യുക.

6. Date of which employee with current employer – സാമ്പത്തിക വര്‍ഷത്തിന്റെ ആദ്യ ദിവസം ചേര്‍ക്കാം. ഉദാ: 01-04-2013. പിന്നീട് Join ചെയ്തവര്‍ക്കും ട്രാന്‍സ്ഫര്‍ ആയി വന്നവര്‍ക്കും ആ തിയതി ചേര്‍ക്കാം.

7. Date to which employed with current employer – സാമ്പത്തിക വര്‍ഷത്തിന്റെ അവസാന ദിവസം ചേര്‍ക്കാം. ഉദാഹരണമായി 31-03-2014

8. Total Amount of salary – ജീവനക്കാരന്റെ Form 16 ല്‍ കാണിച്ച ആ വര്‍ഷത്തെ ആകെ ശമ്പളം ഇവിടെ ചേര്‍ക്കാം.( ഈ സ്ഥാപനത്തില്‍ നിന്നും ജീവനക്കാരന്‍ വാങ്ങിയ gross salary ചേര്‍ക്കുക.)

9. Reported taxable amount on which tax deducted by previous employer – ഈ സാമ്പത്തിക വര്‍ഷം ജീവനക്കാരന്‍ മറ്റൊരു സ്ഥാപനത്തില്‍ ജോലി ചെയ്തുവെങ്കില്‍ അവിടെ നിന്നും വാങ്ങിയ Gross Salary ചേര്‍ക്കുക. (അടുത്ത കോളത്തില്‍ ആകെ സാമ്പത്തിക വര്‍ഷം വാങ്ങിയ Gross Salary ശരിയാണോ എന്ന് പരിശോധിക്കുക.

11. Deduction under section 16(11) – ഇവിടെ ചേര്‍ക്കേണ്ടത് Entertainment Allowance ആണ്. ഇല്ലെങ്കില്‍ 0 ചേര്‍ക്കാം.

12. Deduction under section 16(lll) – Professional Tax ചേര്‍ക്കുക.

14. Income (Including loss from house property ) Under any head ............ - ഇവിടെ House loan Interest നെഗറ്റീവ് ചിഹ്നം (-) ചേര്‍ത്ത് കൊടുക്കാം.

17. Aggregate amount of Deduction under section 80C, 80CCC ..... -80C, 80CCC, 80CCD എന്നീ കിഴിവുകളുടെ തുക ഇവിടെ ചേര്‍ക്കാം. പരവാവധി 1 ലക്ഷം.

19. Amount Deductible under section 80CCF – Infrastural Bond 80CCG – Equity Saving Scheme ന്റെ അനുവദനീയമായ കിഴിവ് ഇവിടെ ചേര്‍ക്കാം.

20. Amount deductible under any other provision of Chapter VlA – Chapter VlA പ്രകാരമുള്ള മറ്റു കിഴിവുകള്‍ ഇവിടെ ചേര്‍ക്കാം. Section 80D, 80DD, 80DDB, 80E, 80U മുതലായവയുടെ തുകയാണ് ചേര്‍ക്കേണ്ടത്. (കോളം 22 ലെ സംഖ്യ Form 16 ലെ Taxable Income തന്നെ ആണോ എന്ന് നോക്കുക)

23. Total Tax -Income tax on Total Income

24. Surcharge – 0 ചേര്‍ക്കുക.

25. Educational Cess – 3% cess ചേര്‍ക്കുക

26. Inceome tax Relief – ഉണ്ടെങ്കില്‍ ചേര്‍ക്കുക.

27. Total Amount of Tax Deducted at Source for the whole year – ആ വര്‍ഷം ഈ സ്ഥാപനത്തില്‍ നിന്നും ശമ്പളത്തില്‍ നിന്നും കുറച്ച ആകെ ടാക്സ് ചേര്‍ക്കുക.

29. Reported amount of TDS by previous employer – ഈ വര്‍ഷം മുമ്പ് ഒരു സ്ഥാപനത്തില്‍ ജോലി ചെയ്തുവെങ്കില്‍ അവിടെ നിന്നും കുറച്ച TDS സംഖ്യ ചേര്‍ക്കുക. ഇല്ലെങ്കില്‍ 0 ചേര്‍ക്കുക.

30. കോളം 30 ല്‍ ഉള്ള Total Amount of Tax deducted for the whole year അതായത് അയാളില്‍ നിന്നും ആ വര്‍ഷം ആകെ പിടിച്ച TDS കൃത്യമാണോ എന്ന് നോക്കുക.)

32. Whether Tax Deducted at higher rate - കൂടിയ നിരക്കില്‍ ടാക്സ് കുറച്ചിട്ടില്ലാത്തതിനാല്‍ No എന്ന് സെലക്ട് ചെയ്യണം.

എല്ലാ ജീവനക്കാരുടേയും വിവരങ്ങള്‍ ഇപ്രകാരം ചേര്‍ത്ത് കഴിഞ്ഞാല്‍ അടുത്ത ഘട്ടമായ Saving ലേക്കു കടക്കാം.

ഫയലകള്‍ Save ചെയ്യല്‍

ഫയല്‍ സേവ് ചെയ്യുന്നതിനായി ഏറ്റവും താഴെ കാണുന്ന Save ബട്ടണ്‍ ക്ലിക്ക് ചെയ്യുക. അപ്പോള്‍ Save As എന്ന വിന്‍ഡോ തുറക്കും. ഫയല്‍ എവിടെയാണോ Save ചെയ്യേണ്ടത് ആ Path സെലക്ട് ചെയ്ത് കൊണ്ടു വരിക. RPU 3.9 എന്ന ഫോള്‍ഡറില്‍ സേവ് ചെയ്യുകയാണ് വേണ്ടത്. അതിനായി ഒരു പുതിയ ഫോള്‍ഡര്‍ ഉണ്ടാക്കി അതിന് RPU 3.9 എന്ന പേരു നല്‍കുക. ആ ഫോള്‍ഡര്‍ ഓപ്പണ്‍ ചെയ്ത ശേഷം സ്ഥാപനത്തിന്റെ പേരിന്റെ കൂടെ 24Q4Q എന്നു കൂടി ചേര്‍ത്ത് ഫയല്‍ നെയിം നല്‍കുക. Save ബട്ടണ്‍ ക്ലിക്ക് ചെയ്യുക. ശരിയായി Save ചെയ്തെങ്കില്‍ File Saved Sucessfully എന്ന മെസ്സേജ് വരും. അതിലെ OK ക്ലിക്ക് ചെയ്യുക.

Validation

ഫയല്‍ വാലിഡേറ്റ് ചെയ്യാനായി പേജിന്റെ താഴെയുള്ള Create File എന്ന ബട്ടണില്‍ ക്ലിക്ക് ചെയ്യുക. അപ്പോള്‍ Select Path എന്ന ഡയലോഗ് ബോക്സ് വരും. അതിന്റെ വലതു വശത്തായി Browse എന്ന ലേബലോടെ ബട്ടണുകള്‍ കാണാം. അതില്‍ ഏറ്റവും താഴെ കാണുന്ന Browse എന്നെഴുതിയ ബട്ടണില്‍ ക്ലിക്ക് ചെയ്യുക. അപ്പോള്‍ Save As എന്ന ഡയലോഗ് ബോക്സ് തുറന്നു വരും. അതില്‍ ചുവടെ വലതു വശത്തായി കാണുന്ന Save എന്ന ബട്ടണില്‍ ക്ലിക്ക് ചെയ്യുക. അപ്പോള്‍ ആ ഡയലോഗ് ബോക്സ് അപ്രത്യക്ഷമാകും.

തുടര്‍ന്ന് Select Path എന്ന ഡയലോഗ് ബോക്സിന്റെ താഴെ കാണുന്ന Validate എന്ന ബട്ടണില്‍ ക്ലിക്ക് ചെയ്യുക. നാം ചേര്‍ത്ത വിവരങ്ങളെല്ലാം വേണ്ട രീതിയിലാണെങ്കില്‍ File Validation Successfully എന്ന Message കാണാം. അതിനു താഴെ കാണുന്ന OK ബട്ടണില്‍ ക്ലിക്ക് ചെയ്യുക. (തെറ്റ് ഉണ്ടെങ്കില്‍ എറര്‍ മെസ്സേജ് ആയിരിക്കും വരിക.അങ്ങനെ വരുമ്പോള്‍ എന്തു ചെയ്യണമെന്ന് പിന്നീട് പറയാം)

 
ഇനി നമുക്ക് RPU 3.9 ക്ലോസ്സ് ചെയ്യാം. ഇതിനായി ടൈറ്റില്‍ ബാറില്‍ വലത്തേ അറ്റത്തായി കാണുന്ന ക്ലോസ്സ് ബട്ടണില്‍ ക്ലിക്ക് ചെയ്യുക. അപ്പോള്‍ Do you wish to save data before exiting the application എന്ന ഡയലോഗ് ബോക്സ് വരും. അതില്‍ Yes ക്ലിക്ക് ചെയ്യുക. അപ്പോള്‍ Save As എന്ന ലേബലോടു കൂടിയ ഡയലോഗ് ബോക്സ് തുറന്നു വരും. അതില്‍ ഏതാനും ഫയലുകള്‍ ഉള്ളതായി കാണാം. അതില്‍ ഏറ്റവും മുകളിലായി നാം നേരത്തെ പേരു നല്‍കി സേവ് ചെയ്ത 24Q4Q2011-12 എന്ന ഫയല്‍ ഉണ്ടായിരിക്കും. അതില്‍ ഒരു തവണ ക്ലിക്ക് ചെയ്ത് സെലക്ട് ചെയ്യുക. എന്നിട്ട് Save as എന്ന ഡയലോഗ് ബോക്സില്‍ കാണുന്ന Save ബട്ടണില്‍ ക്ലിക്ക് ചെയ്യുക. അപ്പോള്‍ പുതിയൊരു ഡയലോഗ് ബോക്സ് കാണാം. അതില്‍ Do you want to Replace it ? എന്നതിന് താഴെ കാണുന്ന Yes ബട്ടണില്‍ ക്ലിക്ക് ചെയ്യുക. അപ്പോള്‍ File saved Successfully എന്ന മെസ്സേജ് ബോക്സ് കാണാം. അതില്‍ OK ക്ലിക്ക് ചെയ്യുക. അതോടെ RPU 3.9 ക്ലോസ്സ് ആകും. ഇനി നാം തയ്യാറാക്കിയ ഫയല്‍ TIN FECILITAION centre ല്‍ സമര്‍പ്പിക്കുന്നതിനായി കോപ്പി ചെയ്യേണ്ടതുണ്ട്.

ഫയല്‍ കോപ്പി ചെയ്യല്‍

ഇപ്പോള്‍ Local Disc C: (C Drive) ലെ RPU 3.9 എന്ന ഫോള്‍ഡറിലുള്ള ഫയലുകള്‍ക്കൊപ്പം നാം സ്ഥാപനത്തിന്റെ പേരില്‍ നേരത്തെ ഉണ്ടാക്കിയ ഫോള്‍ഡര്‍ കൂടി ഉണ്ടാകും. ഈ ഫോള്‍ഡര്‍ തുറന്നു നോക്കിയാല്‍ അതില്‍ ഏതാനും ഫയലുകള്‍ കാണാം. ഇതില്‍ കാണുന്ന FVU File ആണ് TIN FeciLITAION സെന്ററില്‍ നിന്നും അപ്‌ലോഡ് ചെയ്യേണ്ടത്. ഈ ഫയല്‍ മാത്രമായോ അല്ലെങ്കില്‍ ഈ ഫോള്‍ഡര്‍ ഒന്നിച്ചോ സി ഡി യില്‍ കോപ്പി ചെയ്ത് TIN FECILITAION centre ല്‍ 27A ഫോറത്തോടൊപ്പം സമര്‍പ്പിക്കാവുന്നതാണ്. ഈ ഫോള്‍ഡറില്‍ 27A ഫോറം PDF ഫയലായി കാണാവുന്നതാണ്.

Error Handling

Data Entry യില്‍ Error ഉണ്ടായിട്ടുണ്ടെങ്കില്‍ Validation നടത്തുമ്പോള്‍ Errors Found During Validation എന്ന മെസ്സേജ് കാണാം. അതില്‍ OK ക്ലിക്ക് ചെയ്യുക. തുടര്‍ന്ന RPU 3.9 ന്റെ ടൈറ്റില്‍ ബാറിന്റെ വലതു വശത്തു കാണുന്ന മിനിമൈസ് ബട്ടണില്‍ ക്ലിക്ക് ചെയ്ക് പേജ് മിനിമൈസ് ചെയ്യുക. എന്നിട്ട് RPU 3.9 എന്ന ഫോള്‍ഡറിലെ വിവിധ ഫയലുകള്‍ക്കിടയില്‍ നാം സ്ഥാപനത്തിന്റെ പേരില്‍ ഉണ്ടാക്കിയ ഫോള്‍ഡറില്‍ ഡബിള്‍ ക്ലിക്ക് ചെയ്ത് ഓപ്പണ്‍ ചെയ്യുക. അതില്‍ ഒരു html ഡോക്യുമെന്റ് കാണാം. അത് ഡബിള്‍ ക്ലിക്ക് ചെയ്ത് തുറക്കുക. നാം വരുത്തിയ തെറ്റ് എവിടെയാണെന്നും ഏത് കോളത്തിലാണെന്നും അത് വായിച്ചാല്‍ മനസ്സിലാകും. പിന്നീട് നാം നേരത്തെ മിനിമൈസ് ചെയ്ത RPU 3.9 Maximize ചെയ്ത് ഏത് പേജിലാണോ തെറ്റുള്ളത് അത് തിരുത്തുക. പിന്നീട് Saving, Validation എന്നീ ഘട്ടങ്ങള്‍ വീണ്ടും ആവര്‍ത്തിക്കക.

പകുതി എന്റര്‍ ചെയ്തു കഴിഞ്ഞു സേവ് ചെയ്ത ഫയല്‍ വീണ്ടും ഓപ്പണ്‍ ചെയ്യാം. ഇതിനായി വീണ്ടും RPU 3.9 setup ക്ലിക്ക് ചെയ്ത് ഓപ്പണ്‍ ചെയ്ത് 24Q സെലക്ട് ചെയ്ത് തുറക്കുക. പേജിന്റെ ഏറ്റവും താഴെയായി കാണുന്ന OPEN ക്ലിക്ക് ചെയ്യുക. അപ്പോള്‍ തുറന്നു കിട്ടുന്ന ബോക്സില്‍ നേരത്തെ നമ്മള്‍ ഉണ്ടാക്കിയ ഫോള്‍ഡര്‍ തെരെഞ്ഞെടുത്തു തുറക്കുക. അതില്‍ നാം നേരത്തെ പേരു നല്‍കി സേവ് ചെയ്ത ഫയല്‍ ഏറ്റവും മുകളിലായി കാണാം. അതില്‍ ക്ലിക്ക് ചെയ്ത് ഓപ്പണ്‍ ചെയ്യുക. അപ്പോള്‍ നാം നേരത്തെ സേവ് ചെയ്ത വിവരങ്ങള്‍ RPU വില്‍ വന്നതായി കാണാം.

RPU 3.8 ല്‍ ക്രിയേറ്റ് ചെയ്ത ഫയലുകള്‍ RPU 3.9 ല്‍ ഓപ്പണ്‍ ചെയ്യാന്‍ കഴിയുന്നതാണ്